يا صديقي ليه تقول انك صديقي ...

يا صديقي ليه تقول انك صديقي ... وينك عني يوم انا بحزات ضيقي


جيتني هاليوم تسأل عن مصابي ... يا عسى عشره مع امثالك حريقي


وش يهمك عاد كل اللي جرى لي ... ربي المعبود سهل لي طريقي


للأسف كنت أحسبك دايم يميني ... و افتخر و أقول يا نعم الصديقي


ما عرفتك بس من يوم وليله ... ولا عرفتك بس من جملة فريقي


من الصغر كنا نعيش بظــل واحد ... نرســم الآمال بالــود الحقيقي


ما طلبتك شي في يوم و رجيتك ... و ان طلبتك احسبك دايم رفيقي


بينت الايام لي معدن صفاتك ... و بينت لي دمعة الوقت الشفيقي


لو بودي شفتها من حد غيرك ... بس لي طبعي و انا ساسي وثيقي


يا صديقي الاولي روح زمانك ... الصديق يكون في الشده صديقي

حلو الواحد يكون وحيــد في زمــن نــادراً ما به صــحــاب ....
بزمن صارت كلمة الصاحب ..

مجـــرد

.................. لــقـــب ...

ما انجبــر أمثل هالــدور ...

لو عشت وحداني ....

ومت وحداني....

منوره بوجودك والله